القصيدة الثالثة
بقلم|سامح الفيومى
ابعد
روحي معاك كورده ف بيت
وقلبي ف بيتك كان مهجور
متجرحه بعصفتك
ماتت عشانك مـ الجذور
لا عشت يوم بأمان
مجبورة ع الكتمان
كل الورود عايشه الحياه متفتحه
إلا انا ..
عايشه الحياه عمري ما شفت النور
عايشه ضعيفه ودبلانه
وغصنها عايش بعود مكسور
ودموعي كانت مسطره
رافضه الخضوع متسمره
سؤالها ليك متحيره
مالها الحياه متغيره
وهل يجوز تلقى الخدم
على الملوك متكبره
مشيت وبعدت
وحبي اصبح ميستهلش
بعدك عرفت
انك لاشيء ومتتأمنش
بقول جمدت
والكسر فيا ميتوصفش
لا همني جرحك
لاجل ف خيالك ميترسمش
عايش تدور ع الهروب
وهناك تقاتل ليك قلوب
ولا يوم عبرت الخندقه
قصتنا كانت معركه
حالف ماتبقا بطل
حالف تملي تكون
على القلوب مخرطه
وسط العاشقين عايش
كوسط السيوف مطرقه
إبعد ..
إبعد ده مهما تكون
قلبك مصيره يكون
ساكن ف بيت مسكون
سيف العاشقين مسنون
حامي الحبيب مجنون
وانت اللي رحت المشنقه
إبعد ..
اوعاك تكون فاكر
ان الوجع هيعيش
وإني هموت بعدك
لو رجعولي الزمن
وغيرك ف عمري مفيش
برده هكون بعتك
ليست هناك تعليقات :
إرسال تعليق