القصيدة الرابعة
بقلم|عبدالناصر محمد
البنت
عن البنت اللي
سهرانه
في طول الليل
بتدعيلي
وعايشه حياتها
علشاني
ويوم ما اعطش
بترويني
وعز الحزن والشده
تاخدني جوه
احضانها
وعز الفرحه
والبسمه
باروح افرح بعيد
عنها
وقلبها برضو
بيساعني
وقافل قلبي قدامها
وفاتح للي كان
باعني
وبرضو لسه شرياني
ولما انده بتسمعني
ومهما اقسي ما
تنساني
ويوم ما ابكي
بتدمعلي
ووقت الشده سنداني
وعايشالي وعاشقاني
وباظلمها
وضماني وريداني
وباالمها
وقلبها لاجل ما
اتهنا
فارشه الدنيا
قدامي
وباخد قبل ما
اتمني
ولما اخد تقول
تاني
..........
وباستغرب
وباستغرب ومتحير
هي ازاي بتتحمل
وقلبي عليها يتغير
ما تتكلم
ولا بتزعل ولا
بتغضب
ولسه معايا بتكمل
وماشيه السكه
ويايا
ولما اغلط بالاقي
قلبها مرايه
باشوف في نفسي
متعري
مفيش فيا خداع ولا
زيف
وبحر عيونها زي
الطيف
سبع تلوان
تبصلهم في عز
الصيف
تكون بردان
وعز البرد تدفي
وماسكه بيدها
الدفه
وانا سايق
وبارمي حمولي علي
اكتافها
اعود رايق
وبرضو قلبي رافضها
وبادور علي اللي
نسيوني
وعايش عمري
باعاندها
وهي بتبكي في
عيوني
ومش شايف
وفيا ايه انا
عاجبها
منيش عارف
وكل ما افكر
اسالها
باكون خايف
وحاسس فيها شئ
تاني
مهوش موجود في كل
الناس
لو ابقا معاها انا
اناني
بتبقا معايا كوم
احساس
ولو راح ابيعها
واكون جاني
ترد عليا بالاخلاص
واسيبها واتوه
والف بلاد
تاخدني الدنيا
بعيد عنها
ويوم ما اتعب
واقول ارجع
القاها فارشه
احضانها
ومنتظره
اشوف في عنيها
دمعه حزينه منكسره
ولا اتاثر
تضم بيدها يدي
وقلبها جوه يتكسر
واسيبها تاني
واتغرب في حضن الليل
وتفضل برضو تستني
وازرع فيها سهد
وويل
تطرحلي هناك جنه
تاخدني الحيره
واتوتر
واحس الدنيا
وخداني
وقلبي عليها يتجبر
وهي برضو عشقاني
وزرعاني في قلبها
وارد
طرحت انا ليها
بالصبار
وصليتني في سنه
وفرض
وبرضو رميتها جو
النار
وحجتلي في شرق
وغرب
بنتلي جوه منها
مقام
وقلبي لسه برضو
يصد
ووهبتلي صلاه
وصيام
بكل قساوć كنت با رد
لكني في نفسي
باتسال
انا ازاي باظلمها
وقلبها برضو مليان حب
ليست هناك تعليقات :
إرسال تعليق