المقال السادس
بقلم|أحمد عادل
أخلاقيات الرياضة
* كلنا بنمارس الرياضة أو بنتابعها .. بس كام
واحد مننا فكر يعنى إيه رياضة وليه بنحبها ..ليه معظمنا بيهرب ليها وقت ضيقته أو
زعله أو وقت بيحب يطلع كل اللى
جواه فيها .. ليه قلوبنا ديما بتفضل مليانة
حماس طول ما اللعبة أو الرياضة المفضلة اللى بنحبها شغالة .. إزاى وقت مفيش حد
معانا فيه ممكن نمثل إننا جوه اللعبة دى ونحاول نعمل حاجة كانت ناقصة لما كنا
بنتابعها ؟؟؟؟ الطاقة اللى بنطلعها من الرياضة دى بتخلينا ساعات نكمل يومنا كويس
وحلو ..بتخلينا فى أمل تملى أن ممكن فى يوم من الأيام نعمل حاجة بنحبها .. بتبقى
فرحان لما حد بيشتم فريقك ؟ بتبقى مبسوط
لما حد بيقلل من النوع اللى بتحبه من الرياضة .. لو لقينا مثلا أن فى مليون رياضة
الناس بتمارسها هتلاقى فى نفس الوقت إن الناس اتجمعت على إن فى اخلاقيات أو حاجات
متشابهة لازم كلهم يتفقوا عليها ...
زى ما بتحب تطلع طاقتك فى الرياضة اللى
بتحبها لازم تحترمها وتحترم اللى بيحبها
بس فى حاجة تانية أو فريق تانى أو منتخب تانى
.. زى ما مش بتحب حد يحسسك إن الحاجة دى قليلة أو إن مثلا فريقك ضعيف لازم تحس
باللى ادامك ده وتعرف إن كل كلمة أنت بتقولها محسوبة عليك أو ليك مفيش خيار تالت
..
أخلاقيات الرياضة
بتكون طبيعتك فى الحياة اصلا ..تعاملك مع
الناس بيبان فى العادى أخلاقك ..الأخلاقك فى الرياضة يدل على أخلاقك فى حياتك
عموما .. الناس بتعرف من خلال ممارستك لرياضة معينة اصرارك وحماسك وحبك وشغفك فيها
..فى نفس الوقت لما يشوفوا احترامك وأنت بتمارسها هيعرفوا إنك فى العادى أنت كده !
المعادلة بسيطة جدا وسهلة بس إحنا دايما بنحب
نعقد الدنيا والأمور ..ليه بتزعل على حاجة انت بتعملها؟! ..ليه بتزعل من رد فعل
طبيعى انت بتعمله لما بتتحط فى الموقف ده؟! ..الاخلاقيات عموما اتحطط فى أى مكان
عشان تحافظ على تنمية الرياضة !
أنت مش ملاحظ إن فى دول كتير ملهاش فى
الاقتصاد أو إنها غنية بمواردها لكن بقت مشهورة الفترة الاخيرة بسبب الرياضة
..شايف الصين واليابان وكوريا إزاى بقت تجيب لاعبين كبار أو مدربين كبار عشان
يروجوا لبلادهم ولنفسهم ؟
شايف دولتين زى قطر والإمارات بقت بتعمل بالفلوس اللى تملكها إنها
تبقى رعاية لأندية كبيرة بحجم الريال وبرشلونة وباريس وسيتى وهكذا .. بغض النظر عن
اتفاقنا على ده صح ولا لا . لكن اكيد هنتفق إنهم قدروا يعرفوا العالم بنفسهم عن
طريق الكلام ده .. الرياضة روح احنا بنعيش جواها ..لازم نملك الاخلاقيات اللازمة
اللى تخلينا نقدر ننميها ونطورها وإن الناس تحبها ..المفروض تحبب الناس فى الحاجة
اللى بتحبها عشان على الاقل يساعدوك او محدش منهم يقلل منها ده لو بتحب الرياضة
ليست هناك تعليقات :
إرسال تعليق