الشعر العامى
بقلم| على نمرّ
إنسان
مش معتوه أنا ولا مخبول
لما اتخيل نفسي رسول
بعتت بيه البسمة الصافية
لجل ما احاول افرح قلب
وعن الضحكة أكون مسئول
مش معتوه انا ولا مخبول
لما اتخيل فرحي بيضحك
و إن الحزن يكون مقتول
لما اتخيل إن الشمس
طالعة بتضحك من
غير ويل
واتخيلها بتغمز ليه
وبتضحكلي نجوم
الليل
و إن قمرنا
السهران لينا
واخد ايدنا للافراح
و إن الكون اللي
بيخنقنا
بقى ممدود قدمنا
براح
مش معتوه انا ولا
مخبول
لما أشوف الفرحة
تقول
جاية بجيش البسمة
أحارب
كل الظن الخايب
فينا
كل الأمل المروي
سراب
لازم تضحك لينا
الدنيا
لازم نقتل أي خراب
مش معتوه انا ولا
مخبول
لما بشوف الدنيا
سلام
وإن الغنمة جمب
الديب
نايمة بتسرح فـ
الأحلام
و إن الشاطر حسن
إياه
راح يطلب إيد أم
الغول
مش معتوه أنا ولا
مخبول
مش معتوه أنا ولا
مخبول
لما اتمنى أحب و
أدوب
لما استنى شعاع
الشمس
لما بتبقى فـ وضع
غروب
نفسي اعشها حياتي
بجد
نفسي اعشها من غير
خوف
نفسي اقول يا
حببتي بحبك
نفسي اقولها ومش
مكسوف
و اني أكسر اي ظروف
ممكن تخلق فرقة ما
بنا
أو تبعدنا للمجهول
مش معتوه انا ولا
مخبول
لما تكوني فـ بالي
تملي
و إن الفكر يكون
مشغول
مش مجنون انا ولا
معتوه
لما اتخيل نفسي
بتوه
جوه عنيكي
وبسرح فيكي
وسايب نفسي ومش
ندمان
ما إنتي محيتي فـ
قلبي عذابه وكل جراحة بقت ألوان
بتلونها الطيبة فـ
قلبك
مرة بتبقى بلون
الفرح
مرة بتبقى أمل
وحنان
مش مجنون انا ولا
موهوم
لما أتخيل إن
الفرحة
جاية بتقتل فيه
هموم
و إن انا بكرة
هكون مبسوط
مش حزنان انا ولا
مغموم
مش مجنون وكتير
عشمان
إني أشوف الدنيا
بتضحك
وإني أحس بطعم
امان
نفسي أحس إن أنا
إنسان
ليست هناك تعليقات :
إرسال تعليق